Eva's Weblog

S Endi vo mim Reisli chont noecher…

evastocker87 — Fri, 04 Apr 2008 08:03:25 +0000

Hoi zaeme,

dPatrizia ond i haends jetzt bes of Cairns ufegschafft ond send a eusem Ziel aglanget.

Vorher semer zerst no of Brisbane gange. Det hets sehr schoeni Paerk gha, aber mer send de glii mol froh gsi, dasmer weder haend choene go. Denn mer haend bes denn fascht nome grossi Staedt gse (Brisbane esch nach Sydney, Melbourne ond Perth die 4. groessti Stadt in Australie).

Mer send de wiiter gange of Noosa. Det hets eus ganz fest gfalle. Nebeme super Backpacker ond wonderschoene Straend ond Landschafte, het au sWaetter wedermol gstomme. In Brisbane hets naemli scho chli graegnet gha ond sesch au noem so warm gsi.

Euses Reisli esch de wiiter gange of Rainbow Beach womer spoeter of Fraser Island send. Da esch de woerkli es Kaff gsi. ond vor oepe 10 Johr esches ned mol rechtig Autozuegaenglich gsi. Esch also ned so vell gloffe det, ond da sWaetter au ned so metgspellt het, hani de zom erste mol set langem so rechtig Heiweh becho… Dasch denn aber besser worde, womer of Fraser Island gange send (esch die groest Sandinsle vode Welt). Det hemer e self-drive trip met 9 andere Luet gmacht: Ire ond Englaender. Choent eu jo vorstelle, wie das ame ab gange esch…:). Es esch rechtig loschtig gsi. Det haemer denn ame am Strand campet ond mer haend zemli gfoerlichi Tier gse (jo, dasch de ned eso wie bede Steffi im Aquarium in London) .

Nach dene 3 Taeg semer of Airlie Beach gange. Det esches de scho zemli tropisch gsi ond es het eifach e wonderbari Omgaebig det! Am 2te Tag haemer de en Segeltrip foer 3 Taeg gmacht. Ond det haemer sogar gschnorchlet: Dasch so onglaublich gsi!!!! Dasch wie e ganz anderi, riisigi ond belebti Welt onter Wasser. Mer haend sehr vell Fisch (sogar eine wo fast 2 Meter gross gsi esch), Delfine, Quallene ond, me esch sech ned ganz einig, sogar en Haifisch gse.

Mer send grad direkt womer heicho send metem Greyhound Bus oeber dNacht nach Cairns greist. Eusi letschti Station. Ond do semer jetzt. Esch alles sehr touristisch, aber me cha guet laedele…;). Gester semer au no im Raegewald gsi.

Ond morn fluegemer of Sydney womer de am naechste Mittwoch id Schwiiz zroggfluege. Mer traeffe eus det weder met 3 andere wo met eus id Schuel gange send.

I versueche in Sydney no es paar Foeteli druufzlade. Ond soscht beni jo bald weder dihei…

***Eva

evastocker87 — Tue, 18 Mar 2008 03:15:01 +0000

Byron Bay Beach

evastocker87 — Tue, 18 Mar 2008 03:11:13 +0000

Byron Bay

evastocker87 — Tue, 18 Mar 2008 03:05:49 +0000

Sydney

evastocker87 — Tue, 18 Mar 2008 03:01:32 +0000

Melbourne City

evastocker87 — Tue, 18 Mar 2008 02:58:09 +0000

Melbourne

evastocker87 — Tue, 18 Mar 2008 02:53:29 +0000

Mini Gastfamilie

Hoi zaeme

evastocker87 — Tue, 18 Mar 2008 02:47:54 +0000

Jetzt semmer grad in Byron Bay. Esch es chliises Staedtli direkt am Meer ond es esch eifach wonderschoen do, obwohl sWaetter grad ned so guet esch. I 2 Stond goemer de wiiter nach Brisbane.

Zerscht semer aber no of Sydney foer 1 Tag. Wel metem Bus hetme 12 Stond bes of Sydney vo Melbourne ond de nomol 13 Stond bes Byron Bay.

Melbourne

evastocker87 — Thu, 13 Mar 2008 05:46:17 +0000

Hoi zaeme!

Jetzt semer grad in Melbourne. Dasch echt en super Stadt! Hoet semer ofen riisige Maert go ikaufe. Gester semer ide Victorian Art Gallery gsi, was erstuundlich guet gsi esch. Hoet goemer no of en tower ufe. De chame of die ganz Stadt abeluege.

Morn Znacht fahremer de of Sydney ( ganzi 12 stond!) ond bliibed det foer 1 Nacht ond fahred de wiiter nach Byron Bay.

Oebrigens, im Moment esch au no da grosse Grand Prix Formel 1 Zueg gsi. Hamer oeberleit, go zprotestiere Has de aber lo sii lo…

*** Eva

evastocker87 — Thu, 06 Mar 2008 01:29:21 +0000

Sonnenontergang am Cottesloe Beach